CLEOPATRA

I.

CLEOPATRA

Aegypti Regina, Ptolem. Auletae filia, soror et uxor Ptolem. Dionysii ultimi, mulier impudicissima, a Iul. Caesare primum adamata, cui filium Caesarionem peperisse dicitur; deinde ab Antomo iustae uxoris locô habita est. Quod cum aegre ferret Augustus, cuius sororem Antonius duxerat uxorem, bellô Antonium superatum insecutus, ad necem sponttaneam compulit: cius exemplum imitata Cleopatra, ne viva in hostis potestatem veniret, et per ludibrium in triumpho circumduceretur, aspidibus corpori admotis, extremum vitae diem clausit. an. urb. Cond. 723. Mundi 4024. Salian. regni 24. Pulchritudine, plurium linuarum peritiâ, magnificentiâ, et luxu, supra omnes sui aevi, Appian. l. 5. bell. civ. Plut. in Pompeio et Antonio. Florus, l. 4. c. 11. etc. Horat. Carm. l. 1. Od. 37. v. 21.

Fatale monstrum, quae generosius

Perire quaerens, nec muliebriter

Expavit ensem, nec latentes

Classe citâ reparavit oras.

Ausa et iacentem visere regiam

Vultu serenô fortis, et asperas

Tractare serpentes, ut atrum

Corpore combiberet venenum.

Deliberata morte ferocior,

Saevis Liburnis, scilicet invidens

Privata deduci superbo

Non humilis mulier triumpho.

De ca Virg. l. 8. Aen. v. 688.

---- Sequiturque (nefas) Aegyptia coniux.

Stat. l. 3. Sylv. 2. v. 120.

Actias Ausonias fugit Cleopatra catenas.

Iuvenal. Sat. 2. v. 108.

Quod nec in Assyria pharetrata Semiramis urbe,

Maesta nec Actiacâ fecit Cleopatra carinâ.

Nic. Lloydius. Strabo vero eam vel sic, vel venenô illitô periisse, memorat, l. 17. Dioque multos de acu comatoria memorâsse scribit, venenô illita, quae eius fuerit naturae, ut sanguine tactô ilico sine dolore hominem perimerer. In co tamen consentiunt omnes, veneoô mortuam. Et Augustus quidem opinionem de aspidum morsu praetulit, proptereaque talem eius effigiem in triumpho traduxit, auctore Plutarchô. Mausoleum eius, ut et amatoris Antonii, adhuc suô tempore fuisse superstes, innuit Statius, loc. cit.

Duc et ad Aemathios manes, ubi belliger orbis

Conditor Hyblaeo perfusus nectare durat,

Anguiferamque domum, blando qua mersa veneno

Actias Ausonias fugit Cleeopatra catenas.

Hinc Cleopatrana vasa, apud Trebellium in Zenobia, c. 30. quae se e Cleopatr arum Ptolemaeorumque stirpe oriundam iectabat, Usa est vasis gemmatis ad convivia, usa et Cleopatranis. Sic infra, c. 32. Haec uniones Cleopatranos habuisse perhibetur. Mentioque est apud Achmetem Onirocritem βαυκαλίας τῆς Κλεοπάτρας, i. e. baucalis Cleopatrani, c. 198. Εἰ δὲ ἴδῃ ὅτι μετα βαυκαλίας τῆς Κλεοπάτρας πίνειοῖνον, εὐρήσει πλοῦτον καὶ ἐξουσίαν μετα γυναςκὸς ἀναλόγως τȏυ κάλλους τῶ ἀγγείων. Salmas. ad Trebellium Pollionem, d. l.

II.

CLEOPATRA

altera pellicum, cuius corpori Claudius Caesar maxime insueverat; quae a Narcisso inducta est indicare, quod Messallina Silio nupsisset. Tacit. l. 11. Annal. c. 30.

III.

CLEOPATRA

filia Ptolemaei Philometoris, nupsit Alexandro Belae, Syriae Regi dein Nicanori, consobrino. Sed auditô, hunc in Persia captivum Rhodogynen duxisse, Antiochum Nicanorem maritum ascivit. Quô occisô, Seleucum filium, quod se invitâ thronum conscendisset, sagittâ transfixit: Substitutô Antiochô VIII. Grypô, qui, cum sensisset, sibi a Cleopatra venenum parari, ipsam virus haurire coegit. Ioseph. Iud. Antiq. l. 13. Appian. de Bell. Syr. Iustin. etc.

IV.

CLEOPATRA

foror germana Alexandri Magni ex utroque parente. Uxor fuit Alexandri Molossi, seu Epirotae avunculi, et post eius mortem, Aegis enim, in ingressu theatri, a Pausania obtruncatus est, Diodor. Sic. l. 16. a Perdiccâ ambita, qui illam priori uxori Nicaeae superinduxit, ad propitios suis destinatis reddendos Macedonas.

Idem, l. 18. deinde et a Ptolemaeo. Tandem vero ab Antigono necata, dum Sardibus ad Ptolemaeum in Aegyptum iretentat. Vide Diodor. Sic. l. 17. 18. et 20. et Iustin. l. 9. c. 6. et l. 13. c. 6. l. 14. c. 1. Ad eam Ctesiphon Atheniensis missus est legatus, ut eam super mortem Alexandri Molossi mariti sui solaretur, ut ait Aeschines, in oratione contra Ctesiphontem.

V.

CLEOPATRA

neptis Attali, Philippo Macedoni, repudiatâ ob fastum Olympiade, desponsata: mox sponsô a Pausaniâoccisô, ab Olympiade ad fuspendium adacta est. Diodor. Sic. l. 17. Iustin. l. 9. c. 7. Plut. in Philippo. Freinshem. supplem. in Curt. l. 1.

VI.

CLEOPATRA

uxor sororque Ptolemaei Physconis seu Euergetae, cum optionem haberer, quemcumque vellet ex liberis, ad regnum evehendi, Alexandro minimo regnum destinavit: sed Ptolemaeus Lathurus grandior natu a populo praelatus est. Assentire se simulans mater, cogit eum repudiatâ uxore et sorore Cleopatrâ, eleucam vel Selenam, iuniorem natu ducere. Mox Alexandrum euchit, qui a matre indigne tractatus, postquam aufugisset, revocatur, et novas insidias sibi paratas matricidiô exit, Ioseph. Iud. Antiq. l. 13. c. 20. 21. Iustin. l. 39. c. 3. 4. Cleopatra autem, Ptolem. Lathuri uxor, nupsit Antiocho Cyziceno, occisa in templo, a sorore Gryphina seu Tryphaena, quae Antiocho Grypho, matris suae uterino fratri nupserat. Iustin. loc. cit. etc.